சிரிப்பு

காலணா செலவு இல்லை
கடை வீதியில் கிடைப்பதில்லை !
உலகத்து உயிர்களிலே
ஒரே ஒரு மிருகம்
கற்ற வித்தை !
உயிர் இலா ஊணிலே
ஒளிந்து கூட இருப்பதில்லை !
பணமிருந்தும் மனமில்லா
மாந்தருக்கு மறைபொருள்தான் !
தனியாக அனுபவித்தால்
தரணியில் தனிப்பேர் உண்டு !
குவிந்து இருக்கும் இதழ்களில்
கூடாத அதற்கு
சூழ்ந்து நிற்கும் சொந்தங்களில்
சிதறி கிடைக்கும் சிரிப்பு என்று பெயர்